Ademais da práctica do skate, tamén se contará cunha pista de trial. O proxecto alcanzará os 72.000 euros
O Concello de Barbadás terá unha pista para a práctica de deportes urbanos no 2018, segundo as previsións do Concello, unha vez que teña acceso ao remanente. A instalación, que será descuberta, xa está proxectada, pero permanece á espera de que o equipo de goberno poida empregar o remanente de tesourería. Estará situada tras pasar o viaduto da autovía, en dirección ao barrio de As Lamas, e nas cercanías do colexio público O Ruxidoiro.
TAMÉN HABERÁ TRIAL
Ademais da práctica do skate, tamén se contará cunha pista de trial. O proxecto alcanzará os 72.000 euros e o tenente de alcalde, Xosé Manuel Fírvida, xustifica a obra no feito de que "dispomos da poboación máis nova da provincia".
Esta é unha reclamación histórica no municipio, xa que os propios alumnos do Ruxidoiro o reclamarán ao Concello dentro das súas peticións para a xuventude e o lecer.