Aseverou que tanto a Policía Nacional como a Garda Civil "son moi respectadas pola cidadanía".
O subdelegado do Goberno en Ourense, Roberto Castro, manifestou este mércores que operativos como o desenvolvido na capital ourensana cunha decena de arrestados, entre eles dúas policías nacionais, demostra que "o sistema funciona".
Así o asegurou en declaracións aos medios o subdelegado do Goberno en Ourense, que admitiu que "sempre hai preocupación" nestes casos", pero tamén "a garantía de que o sistema funciona".
Neste sentido, destacou que a Policía Nacional e a Garda Civil "son moi respectadas pola cidadanía", que "fan ben o seu traballo" e "defenden os cidadáns". "E esta operación demóstrao, que efectivamente se trata de poñer en claro todas estas cuestións", sentenciou Roberto Castro.