Son días destacados nos Salesianos de Ourense en plena Semana Santa. O que moitos non esperarían é que unha das mellores noticias chegara da man do carteiro encargado de entregarlle un paquete especial a Xulio Iglesias directo do Vaticano.
A carta viña firmada por Ángel Artime, cardeal español nombrado polo Papa Francisco e rector maior da congregación salesiana. No interior, un cómic de Don Bosco e varios selos conmemorativos sorprenderon a Xulio, director da asociación xuvenil AMENCER.
"Ángel foi director aquí, estivemos tres anos xuntos. Lémbrase moito de Ourense" comenta Xulio, agradecido polo regalo. "De cando en vez nos escribimos por vía dixital ou por carta. Sabe que temos unha colección de cómics, e como él viaxa moito, se lle cuadra e o consigue envíanolo. Algunha vez recibimos un sobre sorpresa".
O papel do cómic cos nenos
O director do proxecto salesiano, con ruido de fondo de nenos que corretean polo patio do centro en plena Semana Santa en AMENCER, recalca a importancia que teñen os cómics para él e o seu proxecto: "O cómic evoca a cercanía, a entrega, estar coa xente, o tema lúdico..." de San Xoán Bosco. Ademáis, aproveitan a facilidade da ilustración para coñecer diferentes "Boscos": "Un libro en xaponés non se entende, en cambio cos debuxos do cómic podemos coñecer cómo é a aventura de Don Bosco en Xapón".
Do mesmo xeito, admite que o cardeal Ángel "valora moito" o traballo que fai a congregación na cidade das Burgas, e agradece o detalle que tivo neste momento de "conmemoración": "Son 200 anos do soño de Don Bosco cando tiña 9 anos. Que se editase un selo especial por iso é chulo, e que nós o recibamos timbrados e orixinais, moito máis todavía".
Xulio está moi a gusto en Ourense, non pensa no Vaticano, pese a recibir estos "sobres sorpresas". "Estou no nivel máis alto da miña vida", asegura o protagonista. "Non quero meterme en ningún lio, non valgo. Eu estou ben aquí, rodeado de xente moza que é o que me gusta". Xulio considérase un home "a pé de rúa" que prefire afastarse da burocracia e os despachos do séquito do Papa Francisco.
O proxecto de AMENCER, en plena Semana Santa
Trátase da XII edición de "Mañás de.." en AMENCER. Este proxecto "de concilicación" axuda a decenas de pais e nais "que traballan cando non hai clases", e celébrase en tempos marcados coma o Nadal, o Entroido ou o verán. "É un proxecto educativo. Creo que os rapaces crecen máis entre iguais, xogando e correndo que sós na casa ou diante dunha pantalla", admite Xulio referíndose a esta "educación da vida". A día de hoxe, case 70 nenos desfrutan das "amplas e seguras" instalacións dos Salesianos nestas vacacións, con diferentes monitores que buscan formar un espazo de crecemento para os máis pequenos.
E polas tardes? Aquí é cando entra en xogo "AMENCER á carta". Neste caso, as instalacións están abertas ao público: "Temos futbolín, ping pong... só pedimos que respecten o lugar", recalca o director ourensán.
Xulio César Iglesias Blanco, descrito como "un bo profesor e un bo amigo" por aqueles que o coñecen, recordará con maior agarimo esta Semana Santa tras o obsequio directo do Vaticano, quen sabe se en agradecemento a toda unha vida adicada aos demáis.
