A Casa da Parra de Santiago de Compostela acollerá ata o día 26 de xuño a exposición itinerante 'No niño novo do vento', unha mostra que reúne documentos relacionados coa vida de Álvaro Cunqueiro para 'celebrar' a súa figura coincidindo co centenario do seu nacemento. Así o asegurou Víctor Freixanes, comisario da mostra, que incidiu na 'misión didáctica' do conxunto, que tratará de achegar a figura do literato galego á poboación en xeral e, particularmente, aos mozos.
A mostra, realizada grazas a unha colaboración da Xunta, a Fundación Penzol, Merlín Comunicación e a Editorial Galaxia, reúne todo tipo de fondos documentais, obxectos persoais, manuscritos e primeiras edicións da obra de Álvaro Cunqueiro. En concreto, 'No niño novo do vento' estrutúrase en cinco grandes apartados, que describen o universo de Cunqueiro a través de elementos como a reprodución do seu escritorio de traballo, a narración do seu contexto histórico e vital ou a exhibición de materiais empregados polo escritor. Un espazo audiovisual reproduce así mesmo distintos documentais, entrevistas e gravacións das súas obras teatrais.
En relación coa súa función didáctica, a exposición está composta por 16 paneis de textos informativos e imaxes nos que se fai un percorrido pola vida e obra de Álvaro Cunqueiro.
TRADUCIÓNS OU ARTIGOS
En oito vitrinas preséntase, ademais, unha selección bibliográfica da súa obra galega e castelá, ademais de traducións a diferentes linguas estranxeiras, unha pequena recompilación de artigos xornalísticos e unha selección de prensa.
Durante a inauguración, o conselleiro de Cultura, Roberto Varela, eloxiou a figura de Álvaro Cunqueiro e recordou que esta exposición se enmarca nos actos de conmemoración do centenario do nacemento do escritor, do que destacou o seu 'inigualable capacidade para a fantasía'. 'Achéganos a un universo único no que Galicia teñen un absoluto papel protagonista', indicou Varela, que atribuíu a Cunqueiro a creación dunha 'auténtica mitoloxía galega' a través das súas obras. 'Galicia seguirá viaxando durante moitos anos na prosa e nos versos de Cunqueiro porque a súa obra, como ocorre sempre cos autores orixinais e xeniais, é universal, intemporal e imperecedera'.
A exposición tamén estará en Ourense, Lugo, A Coruña, Pontevedra, Ferrol e Vigo.
En relación coa súa función didáctica, a exposición está composta por 16 paneis de textos informativos e imaxes nos que se fai un percorrido pola vida e obra de Álvaro Cunqueiro.
TRADUCIÓNS OU ARTIGOS
En oito vitrinas preséntase, ademais, unha selección bibliográfica da súa obra galega e castelá, ademais de traducións a diferentes linguas estranxeiras, unha pequena recompilación de artigos xornalísticos e unha selección de prensa.
Durante a inauguración, o conselleiro de Cultura, Roberto Varela, eloxiou a figura de Álvaro Cunqueiro e recordou que esta exposición se enmarca nos actos de conmemoración do centenario do nacemento do escritor, do que destacou o seu 'inigualable capacidade para a fantasía'. 'Achéganos a un universo único no que Galicia teñen un absoluto papel protagonista', indicou Varela, que atribuíu a Cunqueiro a creación dunha 'auténtica mitoloxía galega' a través das súas obras. 'Galicia seguirá viaxando durante moitos anos na prosa e nos versos de Cunqueiro porque a súa obra, como ocorre sempre cos autores orixinais e xeniais, é universal, intemporal e imperecedera'.
A exposición tamén estará en Ourense, Lugo, A Coruña, Pontevedra, Ferrol e Vigo.
