Manuel Caeiro, Kike Costa, Íñigo Cuiñas, Fran Díaz, Manuel Fernández Iglesias e Perfecto Mariño, son os cinco docentes e investigadores da UVigo que integran o grupo de innovación docente Desire
Manuel Caeiro, Kike Costa, Íñigo Cuiñas, Fran Díaz, Manuel Fernández Iglesias e Perfecto Mariño, son os cinco docentes e investigadores da UVigo que integran o grupo de innovación docente Desire. Desde hai tres años, son os artífices da progresiva introdución do design thinking na institución académica viguesa, na que se imparten materias baseadas nesta metodoloxía e realízanse actividades formativas adicionais dirixidas ao PDI e ao alumnado.
“O design thinking trata de poñer o foco nos problemas reais para buscar propostas que solucionen, ou polo menos, mitiguen, estes problemas, no lugar de crear outros”, explica Cuiñas, que avoga por que o estudantado de enxeñaría, ademais de sólidos coñecementos técnicos, dispoña de ferramentas “que os axuden a pensar, a relacionarse e a interactuar co mundo no que van desenvolver as súas carreiras profesionais”.
