O Pavillón de Deportes do Campus de Vigo acolle o Trofeo Eugenio Monge.
Promover a práctica dun deporte como é o tenis de mesa e que sirva tamén de punto de encontro de todos os universitarios. Este é o motivo polo que dende a o Servizo de Deportes da Universidade de Vigo organizan o campionato galego universitario desta modalidade. A cita será o 17 de marzo e todos os interesados en participar neste encontro, que se disputará no Pavillón de Deportes Campus Vigo, poden inscribirse ata o día 10 deste mes, ás 14:00 horas.
Neste torneo crearanse dúas categorías, unha de promoción, onde poderá anotarse cada membro de calquera das tres universidades galegas que o desexe, e outra de élite, especialmente para xogadores federados. A particularidade desta celebración é que servirá tamén e de xeito especial para rendirlle unha homenaxe á figura de Eugenio Monge, ex-responsable da sección de tenis de mesa da Universidade e ex-presidente da Federación Galega de Tenis de Mesa.
Dende o Servizo de Deportes animan a todo o mundo a participar e a apostar por unha xornada de convivencia estupenda na que haberá autobuses gratuítos dende todas as universidades e os asistentes estarán convidados a comer.
