Os interesados en participar poden anotarse na web do servizo de deportes ata o 30 de setembro
O programa Ligas universitarias 2015/2016 inclúe diversas modalidades deportivas de competición, que varían segundo o campus. O obxectivo deste programa é darlle resposta ao interese polos deportes de equipo ao tempo que se fomentan valores como a deportividade e o compañeirismo. O regulamento das ligas inclúe un sistema de puntuación fair play, que promove o xogo limpo e castiga a falta de deportividade.
No tocante ás modalidades deportivas que se presentan este curso destaca baloncesto mixto, balonmán mixto, fútbol sala (feminino e masculino). fútbol 7 mixto, rugby 7 mixto e voleibol mixto.
Xa está aberta a data de inscrición nos tres campus e se prolongará ata o 30 deste mes na web do Servizo de Deportes únicamente e de balde.
Cada xogador poderá inscribirse como máximo en dous equipos de distintas modalidades deportivas, os equipos contarán soamente con xogadores da comunidade universitaria e os xogadores sen equipo poderán inscribirse na denominada Bolsa de Xogadores/as sen Equipo.
A competición rexerase polo Regulamente de Competicións Universitarias de Deportes Colectivos da Universidade de Vigo.n
