A XVI Festa da Palabra otorgou os seus galardóns

A Insua dos Poetas, en Carballiño, foi, un ano máis, o escenario cultural que acolleu a celebración da Festa da Palabra, que rendeu homenaxe a Xosé Luis Méndez Ferrín, que non puido acudir ao acto e estivo representado pola súa muller e a súa filla, encargadas de recoller o Premio Insua dos Poetas na modalidade de Literatura e transmitiron no seu nome unha mensaxe especial a todos os asistentes.

Pola súa banda, o presidente da Fundación Insua dos Poetas, Luis González Tosar, agradeceu ao presidente provincial “a súa participación neste acto no que ratificou o seu compromiso coa Insua dos Poetas” e sinalou que “a Festa da Palabra ratificou hoxe a enorme potencidade da creatividade ourensá. Fronte ó desleixo do institucionalismo oficialista, rexurdiu hoxe a forza da intelectualidade ourensá, sempre a vangarda da galeguidade política e cultural”.

Durante a celebración da Festa da Palabra entregáronse os premios Insua dos Poetas 2024, que nesta ocasión recaeron na modalidade literariana escritora Moncha Fuentes; na modalidade cultura galega na comarcana agrupación cultural Avantar; na modalidade artes plásticasfoi premiada Mercedes Gallego Esperanza; na modalidade cultura galega na emigraciónrecibiu o premio Alberto López Barros, gaiteiro maior de Bos Aires; na modalidade de músicafoi premiada nesta ocasión Lucía Pérez; na modalidade de acción social, o galardón recaeu na Federación Autismo Galicia; e na modalidade de comunicaciónpremiouse a Badal Novas.

Escultura

Ao remate do acto, procedeuse ao develamento da escultura “Espiral” de Alberto Fernández e José Antonio Mosquera, que se suma ás 26 pezas escultóricas presentes na Insua dos Poetas. O apartado musical desta XVI edición da Festa da Palabra correu a cargo do grupo de gaitas “Queixumes dos Pinos” e de “Os Bregadiers” de Parada de Sil. Tamén houbo un recital de poemas que correu a cargo do mozo poeta celanovés, Alexandre Corbillón.

Como broche final, tivo lugar un xantar da Irmandade da Ourensanía no que os presentes recibiron un exemplar do libro “Espiral”.