Un condutor que circulaba por esa estrada deu a alerta ao 112 para indicar que o home se atopaba no interior do camión sen pulso
Un home faleceu en Lugo tras envorcar o camión que conducía esta madrugada na estrada que une Portomarín coa cidade amurallada, no lugar de Vilamoure.
O accidente produciuse ás 4,30 horas da madrugada deste sábado, e os bombeiros de Lugo excarceraron o home xa falecido do pequeno camión que conducía.
Foi un condutor que circulaba por esa estrada o que deu a alerta ao 112 para indicar que o home se atopaba no interior do camión sen pulso e nunha situación perigosa para a circulación. Así, se pediu a colaboración de Garda Civil de Tráfico, Protección Civil e persoal de mantemento de estradas.
