Dúas persoas resultaron feridas este mércores na cidade da Coruña como consecuencia dun incendio producido no cadro de contadores dun inmoble.
Segundo informou a Central de Coordinación do 112-Galicia, o suceso aconteceu pasadas as 10.30 horas deste mércores no baixo dun inmoble situado na Avenida Pasaxe da Coruña, onde se declarou un incendio no cadro de contadores.
Ata o lugar do suceso desprazáronse efectivos dos Bombeiros da Coruña, a Policía Local e Protección Civil, así como efectivos sanitarios de Urxencias Médicas 061-Galicia, que trasladaron un centro médico aos dous feridos, un con síntomas de intoxicación por inhalación de fume e outro con queimaduras na cara.