O peregrino catalán Lluís Carbonell comezou o Camiño de Santiago o 12 de xuño, armado cunha bandeira e un proxecto solidario, co fin de dar a coñecer a parálise supranuclear progresiva, e considerou que a ruta, que concluíu o luns, era 'unha boa iniciativa'.
Dende entón, durante 45 días, percorreu albergues e concellos de todo o percorrido explicando síntomas e consecuencias desta rara enfermidade, que afecta unhas 4.000 persoas en España, e que el coñece moi ben, porque tamén a tivo a súa nai.
Dende este luns, Lluís paséase polas rúas de Compostela e xa ten selada a súa credencial de peregrino, que esta vez, ademais, leva o nome da súa nai, que, segundo el, 'está hoxe aquí, e tamén o estivo na misa do peregrino'. 'Estou seguro de que estará moi orgullosa de min', apostilou.
Na praza do Obradoiro, moi 'satisfeito' pola súa meta alcanzada, respondeu sonriente ás preguntas dos medios: 'A miña voz é a de todos os enfermos e a da miña nai'.
Este martes foi recibido na praza compostelana pola concelleira de Benestar e Familia de Santiago, Paula Prado, á que pormenorizou os porqués da súa iniciativa. Lluís Carbonell quería que a enfermidade que se levou á súa nai fose máis coñecida para que 'algúns que sofren os síntomas se decaten do que lles acontece' e tamén 'para que se investigue e se mellore a vida dos enfermos'.
A edil eloxiou a súa iniciativa e asegurou que é unha 'satisfacción' ver que o camiño se utiliza para 'sensibilizar as persoas' con respecto a este tema. 'Hoxe todos nos sentimos orgullosos de ti', afirmou Prado, que obsequiou o peregrino cun recordo do Concello de Santiago.
A parálise supranuclear progresiva é unha enfermidade 'parecida' ao párkinson e ao alzheimer, pero cunhas características moi concretas que fan que para ela non se atopara nin cura nin paliativos. 'Os médicos subministran os mesmos medicamentos que para o párkinson, pero é máis placebo que outra cousa', indicou. Os afectados por esta enfermidade teñen problemas de mobilidade, dificultades para tragar, e 'o cru é que se decatan', asegurou Lluís.
Lluís leva consigo unha bandeira onde, ao igual que na súa camiseta, unha árbore sen follas e unha pequena cuncha de vieira poñen imaxe á frase 'Proxecto solidario 2011'. 'A árbore é como a enfermidade. É unha árbore nua, sen follas, non ten solución', respondeu Lluís. 'Eu espero que esta árbore se encha de follas e se pinte de verde', sentenciou.
O colofón deste periplo de máis de mil quilómetros porao a súa chegada a Fisterra (A Coruña), 47 etapas despois da súa saída de Cerdanyola del Vallès (Barcelona).
Dende este luns, Lluís paséase polas rúas de Compostela e xa ten selada a súa credencial de peregrino, que esta vez, ademais, leva o nome da súa nai, que, segundo el, 'está hoxe aquí, e tamén o estivo na misa do peregrino'. 'Estou seguro de que estará moi orgullosa de min', apostilou.
Na praza do Obradoiro, moi 'satisfeito' pola súa meta alcanzada, respondeu sonriente ás preguntas dos medios: 'A miña voz é a de todos os enfermos e a da miña nai'.
Este martes foi recibido na praza compostelana pola concelleira de Benestar e Familia de Santiago, Paula Prado, á que pormenorizou os porqués da súa iniciativa. Lluís Carbonell quería que a enfermidade que se levou á súa nai fose máis coñecida para que 'algúns que sofren os síntomas se decaten do que lles acontece' e tamén 'para que se investigue e se mellore a vida dos enfermos'.
A edil eloxiou a súa iniciativa e asegurou que é unha 'satisfacción' ver que o camiño se utiliza para 'sensibilizar as persoas' con respecto a este tema. 'Hoxe todos nos sentimos orgullosos de ti', afirmou Prado, que obsequiou o peregrino cun recordo do Concello de Santiago.
A parálise supranuclear progresiva é unha enfermidade 'parecida' ao párkinson e ao alzheimer, pero cunhas características moi concretas que fan que para ela non se atopara nin cura nin paliativos. 'Os médicos subministran os mesmos medicamentos que para o párkinson, pero é máis placebo que outra cousa', indicou. Os afectados por esta enfermidade teñen problemas de mobilidade, dificultades para tragar, e 'o cru é que se decatan', asegurou Lluís.
Lluís leva consigo unha bandeira onde, ao igual que na súa camiseta, unha árbore sen follas e unha pequena cuncha de vieira poñen imaxe á frase 'Proxecto solidario 2011'. 'A árbore é como a enfermidade. É unha árbore nua, sen follas, non ten solución', respondeu Lluís. 'Eu espero que esta árbore se encha de follas e se pinte de verde', sentenciou.
O colofón deste periplo de máis de mil quilómetros porao a súa chegada a Fisterra (A Coruña), 47 etapas despois da súa saída de Cerdanyola del Vallès (Barcelona).
