Néboa: O Underground galego

Sobre a base dunha mestura de pop, jazz, electrónica e folk galego, Néboa presenta “A realidade enganosa”, un disco que reivindica a independencia na música e una alternatividade que, segundo o líder e compositor do grupo, Lucas De Centi, sería máis doada de exercer en sitios como Madrid ou Barcelona, aínda que, recoñece, “a escena underground en Galiza goza de moi boa saúde”. A banda compúxose no ano 2012 polo simple feito de tocar, e agora chega a recompensa coa edición do seu primeiro traballo discográfico. “Sé fuerte, serás quien pueda agarrarme / Al tropezar en el vacío del aire / No estás, no estoy, ya estoy / Cuando ya estás delante / Quítame este miedo / Círculo constante”, di a letra de “Valente (folión)”, unha das cancións do disco que vén de lanzar o grupo que completan Aloia López (voz), João Neves (voz), Susana Nunes (voz), Jacobo García (baixo eléctrico), Tomás Porteiro (guitarra eléctrica e voz) e Álex Rodríguez (batería) xunto a De Centi (vibráfono e voz), quen respondeu a esta entrevista. ¿Que tan valente hai que ser para ser un músico en pandemia? Non é unha cuestión de valentía. É máis unha cuestión de amor polo que facemos. O sector da cultura sofreu especialmente as consecuencias da pandemia e dende a Xunta non facilitaron a celebración de concertos nin de representacións nen até cando existían probas de que eran seguros. Pero nós, xa desde antes da pandemia, tiñamos que compaxinar a nosa labor como músicos artistas con outras profesións como a docencia para poder adicarnos a isto. Facer e/o escoitar música, ¿é unha forma de quitarse medos? Non o creo. Desde logo, facer arte ou aprender a desfrutala axuda a abrir a mente, o que poder ser unha forma de quitarse medos. ¿Que tal é ser galegos e independentes? Pois imaxino que non moi diferente ao que supón ser artistas independentes noutras comunidades. Quizais en lugares como Madrid ou Barcelona, por unha cuestión de cantidade de poboación, sexa máis fácil atraer a público alternativo e xuntarse con xente cos teus intereses, pero de todas formas, penso que a escena underground / alternativa en Galiza goza de moi boa saúde. Aí están os novos discos de Malandrómeda, Chicharrón ou Baiuca ou as novas cancións de Antía Muíño para corroboralo. Néboa presentará as súas novidades o próximo 5 de xuño no Castelo de Ribadavia, nun concierto que o propio grupo define como “a gran oportunidade” de escoitalos en directo, e que de seguro, os seus seguidores non van perder. Porque soará underground galego.