A Xunta inclúe a O Carballiño entre outras cinco localidades galegas para desenvolver o 19 de xuño, con carácter simultáneo, una experiencia piloto de celebración de verbenas seguras. Nesta iniciativa participan as orquestras Los Satélites, Costa Dorada, Marbella, Ocaband, Cinema e Principal, que actuarán en Arteixo, Noia, Marín, Tomiño, O Carballiño e Mondoñedo, respectivamente.
As verbenas levaranse a cabo en espazos ao aire libre acotados aos que só se poderán acceder previa inscrición nunha páxina web específica. Asimesmo, haberá que usar mascariña e non se poderá fumar nin consumir bebidas alcohólicas. O aforo será de 1.000 persoas como máximo. Un equipo de seguridade controlará en todo momento o cumprimento de todas as medidas sannitarias preventivas.
No recinto de verbena haberá una zona de atraccións de feira e outra de bar con terraza, que estarán separadas.
Ao tratarse dunha experiencia piloto, invitarase expresamente a alcaldes, presidentes de comisións de festas e representantes do sector de espectáculos.
A verbena do Carballiño celebrarase no estadio de Espiñedo, por considerarse o lugar máis axeitado para levar a cabo esta experiencia, e tendo en conta que a partir de xullo poderían comezar as obras de reforma do terreo de xogo.