O grupo Tiruleque será o anfitrión da terceira edición da Mostra de teatro amador Terras do Orcellón, que se desenvolverá dende o vindeiro domingo ata o 22 de novembro no Auditorio do Carballiño, e no que participarán outras catro compañías afecionadas do panorama galego.
O Auditorio municipal do Carballiño acollerá dende o vindeiro 11 de outubro a terceira edición da Mostra de teatro amador Terras do Orcellón, promovida polo grupo local Tiruleque co patrocinio do Concello e da Consellería de Cultura e Turismo.
O alcalde en funcións, Manuel Dacal, destacou o traballo que fai Tiruleque na súa aposta por espectáculos que teñen un públi co fidel na nosa vila. O responsable da organización, Xosé Prada, sinalou que nós elaboramos unhas bases para que as compañías afecionadas galegas presenten as súas montaxes, e un xurado encárgase de facer unha escolma para elexir ás participantes.
Nesta ocasión, foi escollido o grupo Carrachanacacha, de Narón, para actuar o vindeiro domingo, ás 19.00 horas, coa obra Comendo pementos de Padrón con Tarantino. O 25 de outubro, á mesma hora, será o turno de Teatro de Cámara Ditea coa famosa comedia de Alfonso Paso Aquí cheira a morto.
O grupo de teatro Lameiro, tamén de Vigo, representará A vinganza da Petra, de Carlos Arniches, o 8 de novembro, mentres Teatro Avento escenificará unha semana despois A insólita historia de Jimmy Pelostristres, dirixida por Xoan Abreu. A xornada de clausura está prevista para o 22 de novembro a cargo de Tiruleque e a súa nova montaxe, Club PK2, orixinal de Xosé Prada e que está dirixida por Santiago Fernández.
Un orzamento total de 10.000 euros
As funcións serán sempre ás sete da tarde no Auditorio e cun prezo de tres euros por entrada, se ben a organización pon a disposición dos espectadores un bono de 10 euros para os cinco espectáculos. Xosé Prada sinalou que a Xunta comprometeuse a concedernos unha subvención de 3.500 euros, dentro dun orzamento global de 10.000 euros para todo o festival.
O alcalde en funcións, Manuel Dacal, destacou o traballo que fai Tiruleque na súa aposta por espectáculos que teñen un públi co fidel na nosa vila. O responsable da organización, Xosé Prada, sinalou que nós elaboramos unhas bases para que as compañías afecionadas galegas presenten as súas montaxes, e un xurado encárgase de facer unha escolma para elexir ás participantes.
Nesta ocasión, foi escollido o grupo Carrachanacacha, de Narón, para actuar o vindeiro domingo, ás 19.00 horas, coa obra Comendo pementos de Padrón con Tarantino. O 25 de outubro, á mesma hora, será o turno de Teatro de Cámara Ditea coa famosa comedia de Alfonso Paso Aquí cheira a morto.
O grupo de teatro Lameiro, tamén de Vigo, representará A vinganza da Petra, de Carlos Arniches, o 8 de novembro, mentres Teatro Avento escenificará unha semana despois A insólita historia de Jimmy Pelostristres, dirixida por Xoan Abreu. A xornada de clausura está prevista para o 22 de novembro a cargo de Tiruleque e a súa nova montaxe, Club PK2, orixinal de Xosé Prada e que está dirixida por Santiago Fernández.
Un orzamento total de 10.000 euros
As funcións serán sempre ás sete da tarde no Auditorio e cun prezo de tres euros por entrada, se ben a organización pon a disposición dos espectadores un bono de 10 euros para os cinco espectáculos. Xosé Prada sinalou que a Xunta comprometeuse a concedernos unha subvención de 3.500 euros, dentro dun orzamento global de 10.000 euros para todo o festival.
