OBRAS

Trece aldeas de Ribadavia terán novo pavimento

O investimento é de 75.000 euros por un convenio entre o Consistorio e a Deputación

Asfaltado da rúa do Cubo, na localidade de San Paio.
Asfaltado da rúa do Cubo, na localidade de San Paio.
Trece aldeas de Ribadavia terán novo pavimento

Un total de 11 camiños en localidades do rural do municipio de Ribadavia xa dispoñen dun novo pavimentado nas súas rúas e pistas de enlace, dentro do programa de colaboración que levan a cabo o Concello e a Deputación Provincial. Na actualidade, xa están rematados os traballos en núcleos de San Cristovo, Francelos, Prexigueiro, A Grova, As Chavolas, Esposende e San Paio, "e están pendentes dous camiños en Prexigueiro e Francelos", comenta o concelleiro de Obras, Javier Iglesias.

Estes dous pavimentados van ser acometidos entre finais de agosto e nos primeiros días de setembro, unha vez os operarios da entidade provincial volten das súas vacacións, xa que son os responsables de executar as obras coa súa maquinaria, mentres o Concello aporta o material necesario.

O investimento global ascende a uns 75.000 euros, dos cales 35.000 saen das arcas municipais, segundo o convenio asinado por ambas institucións.