O viño bus da Ruta do Viño do Ribeiro sairá mañá, ás 11,30 horas, do Castelo dos Sarmiento en Ribadavia. Percorrerá a Ruta do Ribeiro do Avia que pasa polo Concello de Beade, Leiro e Ribadavia con parada na Reitoral de Santo André de Camporredondo para visitar a sede do futuro Museo Galego do Viño.
O programa de actividades contará coa presencia do Presidente da Ruta do Viño do Ribeiro, Miguel Angel Viso Dieguez. Posteriormente, ás 12,30 horas, os participantes visitarán a Cooperativa de San Roque de Beade, para rematar vivindo a experiencia do Tunel do Viño, desgustando ata 20 marcas de viño das diferentes adegas adscritas á Ruta do Viño do Ribeiro. Como acto final do programa enoturístico, Tempo de Vendima, os participantes poderán degustar un xantar tradicional que terá lugar nas instalacións do Concello de Castrelo de Miño. Polo momento cóntase con 30 participantes.
