O presidente provincial, Luis Menor, recibiu onte pola mañá á presidenta e ao xerente de Aixiña, Olga Cuña e Xan Xosé Xardón, respectivamente, agradecendo o traballo desenvolvido en Ourense
O presidente provincial, Luis Menor, recibiu onte pola mañá á presidenta e ao xerente de Aixiña, Olga Cuña e Xan Xosé Xardón, respectivamente. Nesta visita institucional, os máximos representantes de Aixiña explicáronlle a Menor o traballo que desenvolve esta entidade e convidaron ao presidente provincial a coñecer as súas instalacións.
Pola súa banda, Luis Menor agradeceu expresamente o traballo desenvolvido por Aixiña e ratificou que a colaboración da Deputación “seguirá sendo total e absoluta para que continúe co seu enorme labor social e asistencial”. De feito, Menor puxo en valor cifras que amosan a dimensión desta institución, con máis de 370 persoas vinculadas (usuarios, socios, traballadores, etc.) e un centro especial de emprego con 120 persoas, “cifra que non é fácil de alcanzar na nosa provincia, sendo datos que de por si xa amosan a importancia desta entidade”. “Desde logo, Aixiña é un exemplo de institución do que a provincia de Ourense pode presumir”, asegurou o presidente do organismo provincial.
Preparados
A presidenta de Aixiña, Olga Cuña, agradeceu “a colaboración que sempre nos brindou a Deputación para axudarnos a continuar co noso día a día e a demostrar que se a sociedade está preparada, nós levamos moito tempo preparados”.
