Ourense acollerá unha das catro xornadas do “VIII Coloquio luso-galaico sobre a saudade”, que desta volta inclúe o “I Encontro de Filosofía e Cultura luso-galaico”. A xornada de Ourense, que se celebra mañá, inaugúrase cunha conferencia de Afonso Vázquez Monxardín, que abordará a presenza de Portugal nas páxinas da Revista Nós.
Ademais, Juan Manuel Casares, presidente da Denominación de Orixe do Ribeiro, fará unha ponencia sobre Florentino López Cuevillas. Outra das charlas que se celebrarán mañá pola mañá tratará a inauguración do monumento en Ourense ao Padre Feijóo, que dará Luis Manuel García Mañá.
Pola tarde, abordarase a figura de Benito J. Feijóo e outras conferencias a cargo de ponentes portugueses. Ademais, esta iniciativa comparte sedes en Lisboa, Porto e Santiago de Compostela.