"A troupa do doutor milagre: cooperando facemos a viaxe" é o nome do espectáculo de Inventi Teatro, que terá lugar este xoves na praza de San Martiño ás 20,30 horas
Con motivo da celebración do Día do Cooperativismo Galego que se celebra o primeiro sábado de cada mes de xullo, a consellería de Economía, Emprego e Industria organiza en toda Galicia diferentes actividades para "amosar á cidadanía o labor que desenvolven, os valores e o funcionamento das cooperativas", explica a Xunta de Galicia nuna nota remitida aos medios.
"A tropa do doutor milagre: cooperando facemos a viaxe" é o título do espectáculo da compañía de artes escénicas de Inventi Teatro. Este xoves a partir das 20,30 horas, a través da música, a improvisación, o xogo, o baile e a maxia, darase a coñecer na praza de San Martiño o mundo das cooperativas, dentro do programa "Cooperativismo en movemento".
