O Festival de cine de Ourense (14 a 23 deste mes) comeza este venres no Auditorio o seu cuarto lustro e faino coa estructura parcialmente renovada, obrigada pola reducción orzamentaria.
Nesta XVI edición o presuposto acada os 400.000 euros, 100.000 menos que en anteriores ocasións, e iso nótase na práctica da programación. Á reducción do horario das sesións súmase a supresión dos premios especiais, deixando o total dos galardóns en 18. O obxectivo, con todo, foi o de manter a calidade porque, segundo insistiu a concelleira de Cultura e presidenta do Consorcio do festival, Isabel Pérez, 'o pobo é quen máis ordea'. Nesta variación estructural, cambia tamén a ubicación dos encontros cos medios de comunicación, que se trasladan ata a oficina de turismo, 'coa idea de vencellalo co cine', sinalou Pérez. No intento de responder ás inquedanzas do público, a concelleira salientou a introducción dun ciclo adicado á comedia, un xénero cinematográfico 'moi demandado'.
Así se pronunciou Isabel Pérez na presentación do XVI Ourense Film Festival (OUFF), na que estivo acompañada polo alcalde, Francisco Rodríguez, e o voceiro do certame, Diego González. Deste xeito, xa tomou corpo un festival ó que optaban un total de 1.954 títulos procedentes dun cento de países. Deles xurdiron 188 películas que se ofrecerán en cinco seccións oficiais, ciclos temáticos e outros especiais, que se proxectarán no Teatro Principal e incluirán traballos testemuña da historia galega. 'Barreiros, o Henry Ford español' ou 'El perro azul, vida e obra de Xaime Quessada' son só algúns dos títulos.
COMPROMISO E CALIDADE
Ademais de servir como 'elemento de difusión económica' para a cidade, o OUFF quere ser escaparate dos títulos que trascenden ás canles habituais. 'É curioso, pero temos máis público que moitas proxeccións comerciais', precisou Isabel Pérez. A meta, ó final, é a de 'ofrecer o mellor do panorama internacional' presentando unha 'programación coherente, comprometida e de calidade'.
Pola súa banda, o alcalde ourensán sinalou que 'o reto máis difícil dun proxecto é a continuidade' e o festival de cine converteuse nun 'encontro de referencia para o audiovisual galego', segundo afirmou Rodríguez. Na súa intervención, quixo deixar clara a 'aposta por manter o certame, con todo o que iso significa'. Xa por último, Diego González explicou a importancia de que o público se implique co OUFF. De aí, a campaña publicitaria deste ano, que leva como lema 'Tócache!'. Trátase dun 'reclamo directo ó público' para que poidan 'gozar das películas' propostas pola organización. As facilidades para os espectadores no certame audiovisual incrementaranse nesta ocasión. Xa non só piden a súa participación coa asistencia ás salas de cine, senón que ademais, poderán estar informados do que acontece en todo momento gracias a dous blogs elaborados pola xornalista Rebeca Baceiredo e o crítico de cine Pablo Salgueiros. Xunto a isto, a web do festival incluirá un apartado dedicado á plataforma Twitter e, por último, os dispositivos móbiles que dispoñan de sistema Android ou pertenzan a Apple contarán coa posibilidade de descargar unha aplicación con infromación relacionada co OUFF.
Así se pronunciou Isabel Pérez na presentación do XVI Ourense Film Festival (OUFF), na que estivo acompañada polo alcalde, Francisco Rodríguez, e o voceiro do certame, Diego González. Deste xeito, xa tomou corpo un festival ó que optaban un total de 1.954 títulos procedentes dun cento de países. Deles xurdiron 188 películas que se ofrecerán en cinco seccións oficiais, ciclos temáticos e outros especiais, que se proxectarán no Teatro Principal e incluirán traballos testemuña da historia galega. 'Barreiros, o Henry Ford español' ou 'El perro azul, vida e obra de Xaime Quessada' son só algúns dos títulos.
COMPROMISO E CALIDADE
Ademais de servir como 'elemento de difusión económica' para a cidade, o OUFF quere ser escaparate dos títulos que trascenden ás canles habituais. 'É curioso, pero temos máis público que moitas proxeccións comerciais', precisou Isabel Pérez. A meta, ó final, é a de 'ofrecer o mellor do panorama internacional' presentando unha 'programación coherente, comprometida e de calidade'.
Pola súa banda, o alcalde ourensán sinalou que 'o reto máis difícil dun proxecto é a continuidade' e o festival de cine converteuse nun 'encontro de referencia para o audiovisual galego', segundo afirmou Rodríguez. Na súa intervención, quixo deixar clara a 'aposta por manter o certame, con todo o que iso significa'. Xa por último, Diego González explicou a importancia de que o público se implique co OUFF. De aí, a campaña publicitaria deste ano, que leva como lema 'Tócache!'. Trátase dun 'reclamo directo ó público' para que poidan 'gozar das películas' propostas pola organización. As facilidades para os espectadores no certame audiovisual incrementaranse nesta ocasión. Xa non só piden a súa participación coa asistencia ás salas de cine, senón que ademais, poderán estar informados do que acontece en todo momento gracias a dous blogs elaborados pola xornalista Rebeca Baceiredo e o crítico de cine Pablo Salgueiros. Xunto a isto, a web do festival incluirá un apartado dedicado á plataforma Twitter e, por último, os dispositivos móbiles que dispoñan de sistema Android ou pertenzan a Apple contarán coa posibilidade de descargar unha aplicación con infromación relacionada co OUFF.