O goberno galego defende que "non ten ningún espazo para ofrecer a asociación para desenvolver a súa actividade cultural"
A Xunta de Galicia afirma que "non dispón de ningún local para ofrecerllo ao Ateneo de Ourense como sede". O goberno galego ofrécese a estudar a posibilidade a medio prazo de cederlle un espazopara as súas actividades culturales. Así llo transmitiu a máxima representante do Goberno galego en Ourense, Marisol Díaz Mouteira, aos membros da directiva da asociación cultural "O Ateneo é noso" e da recén creada plataforma na súa defensa, na xuntanza que esta tarde mantivo con eles no seu despacho.
A Xunta de Galicia apoia "o labor e as actividades desenvoltas por esta entidade ao longo dos seus 48 anos de existencia, ao igual que o fai con outras moitas asociacións que contribúen a dinamizar a vida cultural da cidade e da provincia". Sen embargo, a administración autonómica explica que "non pode colaborar con ela nos termos que solicitan canto á cesión de dependencias da Biblioteca Pública".
Dende a plataforma
A asociación cultural "O Ateneo é noso" publicou un comunicado despois da reunión de Díaz Mouteira cos representantes aludindo a falta de compromiso por parte do goberno galego dunha solución a situación crítica que está a padecer o Ateneo.
A mala nova do día foi a falta de compromiso amosado pola delegada da Xunta en Ourense durante a reunión mantida hoxe. #oateneoénoso pic.twitter.com/B8bc78OrrE
— O Ateneo é Noso (@oateneoenoso) 29 de marzo de 2017