A Fundación Otero Pedrayo organizou un Roteiro literario por Trasalba ao que asistiron preto de 100 persoas que poideron percorrer os lugares da parroquia de Trasalba que inspiraron a obra literaria do Patriarca das Letras Galegas.
Os camiñantes saíron do pazo-museo Otero Pedrayo, e despois de percorrer lugares tan fermosos e de tanto calado histórico, coma o pazo de Gaión ou pazo do Campo, o Quintairo ata o muiño do Ruzo, onde o escritor ambientou un dous seus contos, retornaron novamente ao pazo, pasando pola Bergueira, Outeiro e rodearon o Penedo redondo, referente na historia e na obra de Don Ramón.