O proxecto Somos Músicos é unha iniciativa que pretende emocionar coa música aos máis cativos, xa que a educación musical é de moita importancia no desenvolvemento integral do alumnado
No curso 2015/2016, no Colexio Padre Feijoo Zorelle comezou o proxecto Somos Músicos, unha iniciativa que pretende emocionar coa música aos máis cativos, xa que a educación musical é de moita importancia no desenvolvemento integral do alumnado.
Disfrutar da música, vivíndoa en primeira persoa e descubrir a súa maxia son os principais obxectivos desta actividade xa que a música conta con múltiples beneficios no desenvolvemento psicomotriz e intelectual en idades temperás. Ademais do descubrimento dos distintos instrumentos, coñecendo os nomes, a súa composición, a forma de tocalos e as posibilidades sonoras, esta experiencia permite coñecer, ver, escoitar, tocar, experimentar e achegarse aos distintos instrumentos, así como aos tipos de música, baile e cancións do mundo.
Nesta actividade está implicada toda a comunidade educativa, isto permite que desperte un gran interese e unha vez ao mes, para poder planificalo con tempo e ter a posibilidade de preparar as sesións con antelación, escolares, expertos ou familiares presentan os instrumentos ao resto dos compañeiros.
O seguinte obxectivo é achegarse a ese gran instrumenton que é o órgano de tubos, que implicará desprazarse a unha igrexa para poder disfrutalo en todo o seu esplendor.
O máis bonito desta actividade é ver a cara de emoción dos nenos cando escoitan por primeira vez un instrumento e senten a vibración da música nos seus corazóns.