A casa consistorial de Laza acolleu o venres, ás 20,00 horas, a conferencia "Toponimízate", organizada pola Real Academia Galega, co fin de recuperar a microtoponimia do municipio.
José Ramón Barreal, alcalde de Laza, presentou a cita, dirixida por Vicente Feijoo, coordinador técnico do Seminario de Onomástica da RAG.
Os asistentes coñeceron o significado dos nomes da sparroquias e lugares de Laza, ademais do funcionamento da aplicación Galicia Nomeada, que permite a cidadanía colaborar na recollida de nomes de leiras, montes, fontes ou devesas.
As estimacións indican que quedarían uns 6.500 microtopónimos pendentes de recoller en todo o territorio municipal. Ata o momento recuperáronse uns 400 en toda a comarca dende que botou a andar o proxecto Galicia Nomeada.
