A Asociación Xuvenil Amencer organizou para a ponte do Entroido diversas actividades no denominado Proxecto a tope na ponte co que fomentar a celebración das nosas festas populares: o Entroido, achegarse aos rapaces e mozos que non participan das actividades de ritmo semanal en Amencer e axudar a conciliación da vida laboral e familiar.
Durante nove días ofertáronse un total de 44 actividades, das cales 40 foron abertas e catro de organización interna de Amencer, dende obradoiros e confección de disfraces, obradoiros de compadres e comadres, ata a participación no desfile de Barbadás e no Enterro da sardiña.
