A Alameda de Allariz acolleu os maios elaborados con todo o agarimo do mundo polos artistas que se animaron a participar nesta festividade. Ás creacións sumáronse os cativos do Colexio Padre Feijóo e os mozos do instituto, que, ademais alzaron a voz coas súas coplas. Sumáronse aos máis novos, os usuarios do centro de día da vila e de Xinzo amosando o fermoso que é a convivencia interxeneracional.
Nesta edición, dende o Concello optaron porque se elaborasen “mini-Maios” para que deste xeito participasen tamén as familias. O resultado foi que na Alameda expuxéronse ao redor de 100 creación vexetais. Tampouco faltou a animación musical a cargo de grupo de gaitas De Pé Feito.
FOTOS: XESÚS FARIÑAS
