Dende a AC Entroido As Bonitas de Sande, parroquia do Concello de Cartelle, organizaron para o Nadal un par de obradoiros para a cativada. Tras un primeiro no que realizaron diferentes obradoiros con materiais sinxelos e algúns deles aproveitados de refugallos, tocou o momento de pintar e recortar para facer fermosas máscaras con motivos navideños. A continuación tiveron sesión de cine infantil e todos levaron para casa un pequeno agasallo e un diploma de bo comportamento.
No marco das actividades programadas nestas datas, tamén realizaron a queima dos píos, unha tradición recuperada na que queimaron estas construccións agrícolas na noite de fin de ano.
FOTOS: M.V.
