VIDA

Noite de Fiadeiro en Bentraces

A localidade de Bentraces, Concello de Barbadás, acolleu a celebración do seu I Fiadeiro con diferentes actuacións de música e baile tradicional.

Organizado pola Asociación Cultural Velai Vai de Bentraces, no evento participaron as agrupacións Vagalumes de Sobrado do Bispo, Lambisqueiras de Barbadás, Os Picafoles, Cantares da Cuña, Feitizo de Pau e os mesmos Velai Vai.

Cantareiras, pandereteiras, gaiteiros, gastronomía… foron a materia prima desta xornada de exaltación da nosa cultura tradicional e que deron como resultado que nesta primeira edición lle desen con nota alta o aprobado popular.