Recuperando o oficio dos cacharreiros
Coa mirada posta nas súas tradicións, o pobo de Niñodaguia celebrou a segunda edición da súa Fornada Tradicional, un proxecto que ten orixe na idea do cacharreiro Agustín Vázquez Ferreiro e conta coa colaboración do Concello de Xunqueira de Esapadanedo e a Deputación de Ourense.
Co obxectivo de converterse en festa de interese etnográfico, ducias de veciños e visitantes déronse cita en torno ó ritual de elaborar cerámica do xeito que o facían os antergos da zona. Trátase de poñer en valor un oficio tan representativo da comarca ó tempo que se recupera a memoria dun pobo no que o barro forma parte da súa idiosincrasia.