VIDA
O Ribeiro homenaxe a cultura do viño
Como cada ano, a denominación de orixe Ribeiro vestiuse de gala para celebrar a décima edición da súa gala anual de premios, un evento que recoñece a aqueles que traballan arreo durante os doce meses pola cultura do viño. Catro caldos da comarca, dous brancos e dous tintos, foron os galardoados coma os mellores deste ano. Tinalla e Prioriato de Razamonde alzáronse cos premios na categoría de tintos, mentres que Eduardo Peña e Ramón do Casar fixeron o propio nos viños brancos.
A gala estivo amenizada pola música de Carolina Rubirosa, ó tempo que o artista Marcos Atípico se encargou de pintar un mural conmemorativo da gala mentres se sucedía a entrega dos agasallos de recoñecemento.
Entre o público, representantes de tódalas adegas da denominación de orixe aplaudiron ós galardoados desta edición na que, por coincidencia das datas, se rendeu tamén homenaxe a tódalas mulleres víctimas da violencia de xénero. Entre os asistentes estiveron o presidente do Consello Regulador, Juan Casares, e o conselleiro de Medio Rural, José González, entre outras autoridades do Ribeiro, provinciais e autonómicas.
Unha noite de gala para lembrar que o viño na denominación de orixe máis antiga de Galicia non é só un dos seus motores económicos, senón que é parte da súa cultura.
Os premiados
Mellor branco adegas: Ramón do Casar 2020
Mellor branco colleiteiros: Eduado Peña 2020
Mellor tinto adegas: Priorato de Razamonde 2019
Mellor tinto colleiteiros: Tinalla 2020
Persoeiro de honra: Manuel Villanueva
Muller e viño: Almudena Alberca
Mellor comunicación: Campo Galego
Vida entre vides: Xulia Bande
Servizo en restaurante: A Taberna
Tenda especializada: La Vivariense
Bar de viños: Jaleo
O Ribeiro en Nós: Película Cuñados
Fotos: José Paz