VIDA
Teatro, monólogos e escola de espectadores
O Festival de Teatro Galego, Fetega, Celso Parada desenvolveu no Carballiño a súa 31ª edición cunha carteleira dedicada integramente á escena do país, con espectáculos de sala, animación de rúa, e unha Escola do Espectador dirixida por Pepe Domínguez como principal novidade das actividades paralelas programadas.
Tamén houbo espazo para rendir homenaxe a Carvalho Calero, a quen estivo dedicado este ano o Día das Letras Galegas, cunha lectura dramatizada que chegou ao resto de España, Portugal, Alemaña e Brasil coa axuda de lectores e alumnos dos Centros de Estudos Galegos. O premio de honra “Dorotea Bárcena” recaeu nesta edición no dramaturgo e director de escena Afonso Becerra Arrojo polo seu labor académico e de activismo teatral ao longo de 25 anos dunha carreira cunha ampla e brillante traxectoria no sector das artes escénicas.