1
/
6
Hoxe imos facer unha lanzadeira de confeti! Se tes un aniversario ou unha festa á vista, podes ir preparando este xoguete tan divertido. Os materiais que necesitarás son: cartolinas de cores, un roliño de papel hixiénico, papel de regalo, un globo, cinta de pegar e pegamento e unhas tesoiras.
2
/
6
O primeiro que faremos será cortar a parte traseira do globo, quedando só coa parte onde se sopra e un pouquiño do corpo. Engánchao nun dos lados do roliño de papel hixiénico e pégao bordeando coa cinta. Na punta do globo, fai un nó para que non escape o confeti cando o vaiamos lanzar.
3
/
6
Imos facer a lanzadeira bonita cubríndoa con papel de regalo. Aínda que este paso non é imprescindible para que funcione ben, na Lixoteca do Xornal Escolar gústanos que as manualidades nos queden ben bonitiñas. Escolle para este paso o deseño que máis che guste.
4
/
6
Chegou a hora de preparar o confeti. Aquí tes dúas opcións: podes mercar confeti que xa vén preparado ou podes fabricar o teu propio. Nós optamos por este segundo paso. Se ti tamén queres, tan só terás que cortar tiras de cartolina e facer anaquiños pequenos de diferentes cores.
5
/
6
Chegou a hora de comprobar que a lanzadeira funciona á perfección. Coloca o tubo en vertical e, polo lado que nos quedou baleiro, introduce os anaquiños de papel. Se xa estás listo para lanzar, engancha a punta do globo cos dedos, tira dela cara atrás, conta ata tres e… dispara!
6
/
6
