Xornal Escolar

Adaptados á nova vida en Franciscanas

Se para alguén son especiais as primeiras semanas do curso é para os máis cativos. Os alumnos de tres anos comezan en setembro a súa nova vida, unha que perdurará, como pouco, ata que cumpran os 16. É unha nova etapa na que empezan a aprender, a estudar e, en ocasións, tamén a convivir cos seus compañeiros. 

Se ben moitos xa veñen das escolas infantís, outros chegan a un mundo novo e descoñecido. En Franciscanas, este proceso está cheo de ilusión polas experiencias e aventuras que veñen.

Por iso, nestas primeiras semanas, os máis cativos teñen un período de adaptación no que ir familiarizándose cos profesores, coas rutinas, cos espazos e cos compañeiros. Neste período, que sempre é satisfactorio, aprenden o rumbo e as dinámicas que marcarán a súa vida ata xuño. De aquí sairán moitos dos alumnos cos que convivirán durante toda a súa vida escolar e tamén amigos para sempre.

Do mesmo xeito, estes período de adaptación ás mestras tamén lles vale para ilos coñecendo e ver as necesidades de cada un. Os xogos, os contos e as actividades lúdicas son a tónica das aulas de Educación Infantil para que aprendan sen darse conta e acudan cada mañá ó colexio contentos e con ganas de encontrarse con profesores e compañeiros.

Son días de rutinas e diversión nos que a quen máis lle custa adaptarse, segundo confesan as profes, é ós pais…