Celebrar o Día das Escritoras é un xeito de reparar o esquecemento de tantas mulleres invisibles que sentiron a chamada da escritura. Maristas adaptou a celebración ó seu contexto sociolingüístico e fixo unha proposta dende Lingua Galega, centrando a celebración nas mulleres escritoras que viviron en situacións de conflito bélico, afrontando o sufrimento e o amor, a xenerosidade e o compromiso. Deste xeito, en ESO e Bacharelato viron un vídeo didáctico e leron un fragmento de “Flores de ferro”, de María Rei Vilas. Durante toda a semana, o alumnado pasou pola biblioteca escolar para vivir a experiencia lectora nun entorno de guerra. Foi unha proposta de mergullo nun mar de palabras e emocións, da man de grandes mulleres das nosas letras.
