Xornal Escolar

As clases de La Purísima convértense nun alegre viñedo

A chegada do outono é un dos tempos máis bonitos para a paisaxe. A natureza énchese de todo tipo de cores, entre as que salientan os verdes e morados das uvas, que xa están maduras para a súa recolleita. A vendima é unha das tarefas con maior tradición no campo e, agora, tamén ds aulas de Infantil do colexio La Purísima. 

Para darlle a coñecer os traballos da vendima ós alumnos máis novos, as profesoras prepararon moitas manualidades para achegalos ó mundo dos viñedos. Despois, os pequenos encargáronse de pisar as uvas e mesmo se atreveron a probalas. Todo isto adornado por un gran cartel da festa da vendima.