Xornal Escolar
No cole tamén nas vacacións con Amencer
Como cada ano, a asociación xuvenil Amencer ofreceulle ás familias ourensás unha alernativa lúdica para favorecer a conciliación durante as vacacións escolares. Deste xeito, durante a Semana Santa, os monitores do colectivo organizaron unha morea de actividades lúdicas e divertidas para os cativos da cidade.
O obxectivo destas iniciativas non é outro que educar en valores a través do xogo, favorecer a creatividade dos cativos, a participación e o traballo en equipo, e poder seguir empregando as instalacións colexiais fóra do horario escolar. Para iso, desenvolveron obradoiros, xincanas, xogos cooperativos, actividades ó aire libre, festas… Os participantes pasárono de marabilla durante tódolos días e, de novo, as Mañás de Semana Santa foron un éxito.