Xornal Escolar

Compoñendo rimas dende a escola de Castrelo de Miño

O Día Internacional da Poesía é unha xornada imprescindible nas axendas escolares para achegar ás novas xeracións á literatura en verso. En Castrelo de Miño, os alumnos convertéronse en poetas por un día creando un gran mural colaborativo cheo de rimas. 

Creatividade e poesía déronse a man nesta proposta que se encheu de mensaxes de convivencia, amor pola literatura e pequenas leccións de vida en xeral. Os alumnos amosaron as súas destrezas como creadores de versos acompañados de ilustracións que deron como resultado un mural moi vistoso para adornar os pasillos do centro educativo. Ó mesmo tempo achegáronse a este xénero literario tan expresivo e que permite xogar coas palabras.