Xornal Escolar

Día da familia para iniciar a diversión en Amencer

Aínda que as actividades comezaron a primeiros de outubro, a asociación xuvenil Amencer organizou unha gran festa para celebrar o Día da Familia e inaugurar deste xeito o curso de forma oficial. No evento déronse cita os participantes nos grupos Saltimbanquis, Andaina, ADS e Xuvenís, que compartiron unha divertida tarde de xogos cos seus animadores.

Tamén estiveron presentes as familias dos cativos e cativas de Amencer, que aproveitaron para coñecerse e compartir impresións sobre o novo curso que agora comeza. Foi unha xornada moi especial para todos, que xa están desexando comezar a aprender xogando durante os seus momentos de ocio.