O colexio Eulogio Gómez Franqueira de San Amaro celebrou o Día das Familias. O centro educativo vestiuse de festa para recibir a un gran grupo de participantes de tódalas idades que compartiron actividades de convivencia interxeracional. Este colexio, de 35 aumnos, reuníu a un total de 170 persoas, entre as que estiveron os residentes do fogar da terceira idade do Concello de San Amaro, que colaborou na actividade. Durante toda a xornada tiveron un obradoiro de zanfona e actuacións de música tradicional galega. Non faltaron os bailes e a interpretación do Himno para pechar as notas musicais. Tódolos participantes compartiron unha animada comida e os alumnos divertíronse nas atraccións e animacións .
