Cada paso da comunidade educativa de Salesianos conta. E é que alumnos e profesores adicaron as últimas semanas a dous proxectos que os levaron a camiñar por dúas boas causas. O primeiro deles levou a un grupo 55 alumnos de terceiro da ESO a realizar o Camiño de Santiago pola Vía da Prata. Comezaron recibindo a bendición do peregrino na igrexa parroquial de María Auxiliadora e partiron cara a capital galega. Ademais de camiñar tamén tiveron momentos para realizar actividades de reflexión para integrar na vida esta experiencia. En Santiago xuntáronse co alumnado dos colexios salesianos de A Coruña e Cambados. O segundo proxecto foi “Camiño á escola”, dentro das actividades do Día sen coches, promovendo realizar o traxecto ata o centro educativo a pé. A proposta foi un éxito entre pais, alumnos e profesores.
