Xornal Escolar

O Mar de Antela inunda Xinzo

Mar de Antela é o nome do proxecto de transformación dos espazos do IES Lagoa de Antela de Xinzo de Limia. Inspirado nas salas de grandes esqueletos dos museos de ciencias naturais. A proposta consistiu no deseño, construción e instalación, por parte do alumnado de primeiro da ESO, dunha serie de 10 modelos en cartón, de exemplares da fauna mariña galega a escala real, que miden entre 65 centímetros e 5,2 metros de lonxitude. 

O proxecto levouse a cabo no marco da convocatoria EduInnova, ao longo de todo o curso 2022-2023, co obxectivo de implantar metodoloxías didácticas innovadoras como o traballo por proxectos e STEAM, nas materias de Educación Plástica e Visual, Bioloxía e Xeoloxía e Tecnoloxía e Dixitalización de 1º da ESO. 

O tamaño dalgunhas das especies a escala real, en cartón, supuxo un reto de enormes dimensións. Un total de 105 alumnos e alumnas participaron no desenvolvemento deste proxecto, que se prorrogou mais alá do curso e rematouse ao longo deste verán. Cada unha das esculturas foi creada partindo de modelos en barro, realizados polo alumnado participante, que dixitalizaron utilizando un escáner 3D.