No Ceip Mariñamansa comezaron estes días coa segunda edición da Milla Semanal, un reto que ten como oxectivo inculcar os bos hábitos de vida entre o seu alumnado. Trátase do segundo curso no que o centro educativo desenvolve esta actividade incluída no programa de innovación educativa EduSaúde.
A Milla Semanal, na que tódolos alumnos se implican con gran ilusión ten como meta o aumento da práctica de exercicio físico dentro do horario lectivo promovendo hábitos de vida saudable entre as novas xeracións. Por iso, para inaugurar esta segunda edición, alumnos e profesores marcharon con decisión polas instalacións do colexio para cumprir o seu primeiro obxectivo do programa de saúde.
