O clube de lectura Tragalibros de Salesianos celebrou a súa reunión mensual cunha visita moi especial. O escritor Edelmiro L. Mateo achegouse ata o centro educativo para presentar a súa nova obra “O instinto de Alazán”. Os alumnos aproveitaron para facerlle preguntas sobre a novela e tamén acerca do oficio de escritor.
No mesmo encontro, os “tragalibros” déronlle a benvida ós novos membros do clube, que se unen para fomentar a paixón pola lectura e compartir impresións sobre diferentes obras. Deste xeito despediron o primeiro trimestre do curso os lectores de Salesianos, nunha actividade organizada polo departamento de Dinamización da Lingua Galega do centro en colaboración coa asociación xuvenil Amencer.
