Xornal Escolar

Galería | O Samaín enche as aulas da cidade de Ourense

Había ganas, moitas, de recuperar a normalidade na vida diaria dos colexios, pero especialmente habíaas no tocante ás festividades e eventos especiais. Aínda que a pandemia non foi quen de frear a celebración do Samaín nos dous últimos anos, ben é certo que as festas eran por aulas e con máscara incorporada nos disfraces.

Por iso, este ano, os colexios de toda a cidade, contaron cunha xornada terrorificamente divertida na que alumnos e profesores vestiron as súas “mellores” galas para converter as aulas en escenarios dunha tradición que nos últimos anos ten ganado moita popularidade nos centros educativos.