Para despedir o primeiro trimestre do curso, os alumnos do colexio de Baños de Molgas levaron a cabo varias sesións de sensibilización visual da man da mestra da Once Lídia, que todas as semanas se achega ao centro para traballarcun alumno afiliado da organización.
Deste xeito todos os cativos puideron ir comprobando de primeira man os pequenos e grandes atrancos que as persoas con algún tipo de problema na vista, se atopan a diario. De igual xeito, foron coñecendo outros aspectos relacionados cos problemas ocasionados polas deficiencias visuais, como son, por exemplo, a linguaxe Braille e tamén os cans guía. Despois de todas as actividades realizadas, de seguro que, en diante, o alumnado do centro, vaia cara unha especial sensibilidade hacia as persoas con problemas visuais.
