1
/
6
Para fabrica este cohete co que chegar moi alto necesitaremos: tres vasos de papel, dúas gomas elásticas, un pau de madeira ou catro pauciños pequenos, unha cartolina da cor que prefiras, tesoiras, un rotulador e unha pistola de silicona (ou un pegamento que pegue ben).
2
/
6
O primeiro paso consistirá en cortar o borde dun dos vasos e introducilo dentro doutro ó que non lle faremos nada. Isto ímolo facer para darlle corpo ó noso cohete e que non rompa cando fagamos a estructura completa. Non hai que pegalos entre si, tan só introducir o que non ten bordes dentro do outro e deixalos por agora.
3
/
6
Collemos o pau e cortámolo en catro anaquiños. Con axuda deles, terás que facer catro buratos na parte ancha dos vasos. Márcao coma se foran os catro puntos cardinais e fura con forza para traspasar os dous vasos. Se ves que non das, non dubides en pedirlle axuda a un maior para non chegar a mancarte.
4
/
6
Cando teñas os buratos feitos, o seguinte paso será traspasar dúas gomas de lado a lado facendo unha cruz, como ves na imaxe. Agora utilizaremos os catro pauciños que cortamos antes para que funcionen como tope das gomas e non se desfaga o cohete cando o impulsemos.
5
/
6
Chegamos á nosa parte favorita: decorar. Para darlle un aspecto máis de cohete, decidimos facerlle un sombreiro. É moi sinxelo, tan só terás que cortar un círculo na cartolina e cortarlle un triángulo, coma se fora unha ración de pizza. Xunta os dous lados da esquina que queda e pégaos. Non esquezas facerlle unha cariña ós vasos!
6
/
6
