Xornal Escolar
Unidos contra a violencia
Coincindo coa data na que Mahatma Gandhi perdeu a vida, tódolos colexios celebran cada 30 de xaneiro o Día Escolar da Paz e a Non Violencia, unha data promovida polo profesor español Llorenç Vidal e recoñecida pola Organización de Nacións Unidas en 1993. Aínda que este ano coindiciu a xornada en domingo, ningún colexio quixo deixar pasar a ocasión de que inculcar uns valores pacifistas entre o alumnado, moi concienciado cos principios da paz e a non violencia.
Un deles foi o centro Mestre Vide de Ourense, onde estiveron días traballando xunto coas familias para compoñer entre todos uns libros con debuxos, poemas e traballos creativos coa forma de entender a paz de cada un dos alumnos e pais. Pombas brancas, mans de cores, arcos da vella, símbolos da paz… Da man da súa imaxinación e centrados nos principios da non violencia, toda a comunidade educativa do Mestre Vide colaborou para difundir os seus mellores desexos para o mundo.
Non faltou tampouco a diversión cunha animada xincana na que os cativos saltaron, correron e superaron os obstáculos para simbolizar as trabas do mundo para acadar a paz. Foi un dos xeitos nos que os escolares da provincia celebraron este día -unha das citas imprescindibles das axendas académicas-, que recollemos con algunhas imaxes no Xornal Escolar.