A débeda do Concello de Xinzo rebaixarase ata os 2,5 millóns

O Concello de Xinzo de Limia protagonizou un fito inédito nos últimos anos: a aprobación dos orzamentos sin votos en contra xa que a oposición do PSOE e BNG abstívose. O bipartido formado por AXIL e PP sacaron adiante un documento económico que anticipa uns ingresos de 8,4 millóns de euros e uns gastos de 8,2 millóns. No capítulo de gastos de persoal haberá una cantidades de 4,4 millóns de euros. Por outra banda, os gastos correntes en bens e servizos, serán 2,7 millóns e para investimentos destínanse 366.356,42 euros. O Concello deberá destinar 260.000 euros á amortización de débeda, que se situará en 2.576.000 euros a final de ano. Os orzamentos presentados polo Concello trouxeron consigo o punto máis polémico do pleno, pero ao final houbo abstención do PSdeG e do BNG. Camilo Vila, voceiro do BNG de Xinzo, comentou que “o obxectivo do grupo de goberno ten que ser marcar unha dirección o máis clara posible. Non se percibe que se lle dé importancia ao importante, con orzamentos de trámite. Queremos unha xestión con transparencia e que se eliminen sospeitas de diferentes colectivos, como se veñen producindo”. Elvira Lama, voceira do PSdeG en Xinzo, comentou que os orzamentos “traenos case un mes despois de que foran recibidos do Ministerio, o 27 de decembro do ano pasado”. A resposta do alcalde foi que a intención do grupo de goberno era aprobalo antes pero que por problemas técnicos non puideron. Noutro dos puntos tratados, tomouse o acordo da recuperación do Local Social de Morgade, anteriormente xestionado pola Fundación San Rosendo e que agora pasa a formar parte da rede municipal. Aprobouse por unanimidade pero coa condición que se use axeitadamente. Elvira Lama propuxo que se use o local para facer del unha residencia para mulleres víctimas da violencia de xénero. Outro dos puntos destacados foi a aprobación da terceira prórroga do contrato anual de suministro eléctrico, o que suporá neste 2024 un aforro para as arcas do Concello dun 30%. O Concello lembrou que faltan por instalar unhas 500 desas 4650 luces LED que se espallaron por todo Xinzo. Este cambio de luminarias, ó igual que se fixo dentro do pavillón de deportes, favorecen o aforro enerxético que se traduce en máis cartos para outros gastos municipais. “A misión non debe ser soamente administrativa”, comentou Camilo Vila, “se non con plans de exploración de fórmulas modernas e actuais”. Para rematar, Elvira Lama preguntou a Amador Díaz por que asitiu as manifestacións dos agricultores e non as manifestacións da loita pola pediatría. O alcalde respondeu dicindo que “eu estou orgulloso de ser agricultor e sempre os defenderei”.