Do mesmo xeito que en Xinzo ou Verín, que recuperaron esta semana as súas feiras locais, o municipio de Trasmiras volverá a celebrar o seu tradicional mercado, eso si, reservado únicamente á venda de produtos agrícolas e gandeiros do sector da alimentación e perecedoiros.
O Concello puntualizou a través dun bando municipal, que tan só se permitirá o 25 por cento dos postos habituais e a distancia entre eles non poderá ser inferior, en ningún dos casos, aos seis metros. Recoméndase, nesta liña, non colocar os postos uns fronte aos outros. Do mesmo xeito reducirase a afluencia de xente a un terzo do habitual.
Dende a administración local recoméndase a utilización de luvas e máscara, así como non tocar os produtos do mercado e manter a distancia social de dous metros.