O conselleiro do Medio Rural, José González, e o secretario general de Agricultura y Alimentación do Ministerio de Agricultura, Pesca y Alimentación, Fernando Miranda, mantiveron un encontro telemático de traballo para avanzar no proxecto que permitirá impulsar a sustentabilidade da actividade agropecuaria da Comarca da Limia.
Os dous representantes institucionais repasaron as intervencións feitas ata o momento e vencelladas á limpeza das canles de regadío e dos camiños paralelos. Ditos avances permitirán iniciar, nun breve periodo, a tramitación para a modernización do sistema de rego.
O secretario general lembrou que a iniciativa ten a consideración de “proxecto de interese xeral”, conforme á lei de acompañamento dos presupostos xerais do Estado de 2022, o que supón darlle “prioridade” por parte do Ministerio.
As actuacións teñen un orzamento de 16 millóns de euros e centraranse en asegurar a drenaxe e o correcto funcionamento do sistema hídrico da comarca, algo esencial para garantir a sustentabilidade da súa actividade agropecuaria.
Neste encontro telemático tamén se repasou o Plan Monterrei e o respaldo ao sector de vacún.
